Fun, Gaming, Life, Nostalgia

صار صخر

19 تعليقات

موضوع اليوم هو لمن هم فوق 25 سنة ، يعني لأطفال الثمانينات.. و بعض شبابها 😉

علشان تعرف اذا كان هالموضوع يهمك.. اوصف شعورك لما تشوف هالشاشة :

msx صخر

اذا ويهك/ويهج صار جذي 🙂 .. عيل راح تستانس وايد من الشاشات القادمة.. مثل هاذي :

rambo رامبو

😀

عصابة الصخر ايام قبل كانت مكونة مني انا و مهند ولد خالتي و عبدالعزيز ولد عمتي ، هاللعبة كانت من أوائل ألعاب الـ Action Adventure اللي طلعت ، يعني على خلاف ألعاب التذبح و التفجير المتعارف عليها في تلك الفترة كانت هاللعبة تعتمد على البحث و التخطيط و الاستراتيجية.. بالإضافة إلى التذبح المدروس طبعا 🙂

كان كل واحد من عصابتنا يلعب اللعبة في بيتهم.. و لما يكتشف شي جديد تشتغل الاتصالات….. “لقيت البازوكا!” .. “لقيت الأسير!”.. “فجرت الليزر!!” .. أهم شي انك لما تخلص اللعبة من غير لا تستوفي كل شروطها يقولك try again 😕

اما هاللعبة :

soccer كرة قدم

كنا نسوي عليها بطولات في بيت خالتي ، و اذا سألتني.. فأنا أعتبرها من أحلى ألعاب كرة القدم اللي لعبتها في حياتي.. لا تقولي فيفا و لا دوري ياباني 😎

في لعبة كانت تبط جبدي :

metal gear ميتالجير

أي واحد من ربع البليستيشن يعرف Metal Gear… هذا اهو اول جزء من هاللعبة اللي السنه اليايه راح ينزل الجزء الرابع منها على البليستيشن 3 !

اللي يبط الجبد مو اللعبة نفسها.. بالعكس.. اللعبة عجيبة بكل المقاييس (و إن كانت صعبة لدرجة إن محد خلصها) ، اللي يبط الجبد اهو انها تشتغل بس على أجهزة MSX2.. و كان الوحيد اللي عنده ام اس اكس تو اهو عبدالعزيز ولد عمتي.. و كان يحرنا بهالشغله 👿

أختم بهاللعبة :

The Castle القلعة

أيضا من الألعاب اللي تبط الجبد لأنها ما تخلص!

اللعبة عجيبة و طويلة.. و موسيقتها لا تنسى 😀

—————————

اذا الحين قاعد تقول بنفسك “شخباري!” و “يا حلات ذيج الأيام!” و “جان زين كمبيوتري القديم لما الحين يشتغل” .. فعندي شي راح يونسك 🙂

NLMSX

هذا برنامج محاكاة للصخر ، يعني يخليك تشغل ألعاب الصخر على الوندوز 🙂

Download

(ملاحظة: ترى ما جربت هالبرنامج من قبل)

openMSX

هذا لك اذا كنت من ربع الماك 😉

Download

و اذا عندك سوني PSP ترى هم لها محاكي علشان تلعب ألعاب الصخر عليها ، اذا في طلب عليه راح احطه.

————————-

أما الألعاب فموجودة علي وايد مواقع ، سو بحث في جوجل على “msx roms” و راح تطلعلك عشرات المواقع ، اذا تبي موقع مجرب و فيه صور للالعاب مع لنكاتها فجرب هالموقع:

http://www.msx2.tk

كل البرامج و الالعاب اللي حطيتهم مجانية ، يعني ماكو شي يمنعك انك تجرب.

الحين استانسو! 🙂

19 تعليقا على “صار صخر”

  1. الله الله الله
    من وين طلعت هالسوالف
    صج قديم

    اللعبة اللي فعلا كنا نقعد عليها قعدة
    الاميـــــــــــــرة
    الغازها كانت صعبة
    وكل خطوة لازم تكون محسوبة
    والمفاتيح كانت الهدف الرئيسي

    فعلا كانت موسيقتها مميزة

    هاللعلبة تذكرني خلتنا نعرف الديوانية من عمر صغير
    وياما محمد اخوي رفيجي عبدالله دخل علينا وفصل بلاك الكهربا واحنا واصلين اخر الدنيا
    ويقول لنا يالله دراسة
    🙁

    كانت قلوبنا تنشلع

    في بعد لعبة كنت احبها بس ما اذكر اسمها
    اهيا العاب قوى سباح ووثب وجري
    كانت حلوة وفيها حكام ما يعجبهم العجيب

    وهم البطريق جان تذكرها
    بصراحة الجرافيكس فيها كان متقدم على وقتها

    بس صج ايام حلوة

    تسلم يا بو دانة على هالموضوع الحلو

  2. اي الأميرة اهي نفسها القلعة 🙂

    الألعاب الولمبية مالت كونامي .. كانت أكثر من جزء .. و في جزء حق الألعاب الشتوية

    البطريق كاهي :

    😀

    و أكو البطريق اللي جنها تنس طاولة :

  3. أول لعبة مالت رامبو عجيبة و صخر كان من أحلى الأشياء إلي شريتها و البطريق لازلت أذكر كانت كونامي الي تطلع أول اللعبة

    شكرا على هالذكريات الحلوة

  4. لما كنت ادور هالشغلات الاثرية على النت استوقفتني شغله.. و اهي ان الم اس اكس كان مشهور في آسيا و أوربا و مو معروف بأمريكا ، و كان البعض يستغرب ان شركة كبيرة مثل كونامي نزلت عدد لا يستهان فيه من الألعاب عليه

    🙂

  6. تقريباً ما أعتبر من أطفال الثمانينات على قولتك 🙄 , لكن يوم شفت الشاشة الزرقاء
    حسيت بشعور غريب
    ولا اتذكر الا لمحات بسيطة لما كنت اشوف اخوي يلعب بصخر

    من وين طلعت لنا هالتراث؟؟

  8. khaled..

    ayam el 9aif or esl shete? 😛

    سعلوه..

    إي أعرف شعورج..

    شكلج كان ودج تلعبين معاهم بس ما يخلونج، صح؟
    😀

    و هالتراث ما يطلع الا من كثرة الفراغ 🙂

    Salah..

    إيي.. الأميره عذبت وايد ناس .. أدري 😀

  9. واحد من الشباب اللي دزيتلهم الموضوع رد علي بهالرد العجيب و قلت لازم إنقله لكم :

    =====

    Hi there, 🙂

    Well ill tell you something about the Castle I (we finished it) we as a team of players in a dewaniya in 2006. it took us 2 weeks. and yes after 20 years of trying and screaming and crying and ahhhhhhhhhhh!! we managed to finish it. Castle II <-- we dont even wana see it 😉 C ya ====== 😀

  10. Hi moayed
    you remembered me of the past (the good) years !
    actually sakhr was my brother’s tool and I didn’t play with it much when Amiga came into the houses. It was a real “monster of games”, a great game with zillion levels and wonderful graphics was all in one floppy disk with 728 KB capacity ! or at most 2 or 3 disks !
    I kept my Amiga and still have it, everytime I look at it I remember the good old days.
    Thanks for remembering me the good old days moayed, and good luck !

    Abbas

  12. اي هذول الالعاب الصح مو اللي الحين الواحد ما يدري شالسالفه…اللعبه الاخيره صج اغنيتها مو طبيعيه
    😀
    ما لقيت الاغنيه مني مناك شي mp3?

  14. 😥
    رجعت أيام الطفولة
    كان سعر الجهاز 51 دينار على ما أذكر
    وأهم الألعاب كان الفارس أو القلعة اللي تقاتل 10 وحوش لين توصل وتنقذ الطفل
    ليلحين أذكر كلمة السر اللي كنا نستعملها
    zzzz zzzz zzzz
    zzzz zzzz zzzz
    zzzz zzzz zzzx

    🙂
    لعبة الفورمولا 1 كانت من المفضلة عندي

  15. 51?

    جنه كان أغلى؟ 🙂

    ما أذكر

    الفارس… مو اللي يرمي أسهم و تطلعله البومارانج اللي يحذفها و تردله 🙂

  16. hi all
    and specailly moyad
    how r u all
    ana mwaled 87 l7agt 3ala hal2l3ab b3ad al3`zo mbasharatan 91-92-93 kent al3abhum bfatrat halesnen w kan 9ij mot3a w kent ashofa 3nd e5wane w 3yal 5ale
    kan tawa by6l3 alnitendo
    bs i like this stuff
    thakarne fema matha 🙁

    urs faisal

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *