Damien Hirst, Mother and Child, Divided (detail), 1993
أدري لوعت جبودكم بهالوصف 
… بس ميخالف… كله في سبيل العلم 😛
عملية الاجترار يبدو أنها لا تخص فقط الحيوانات المجتره، فهناك كائنات ومنظومات أخرى تقوم بنفس العملية بشكل أو بآخر، فالاجترار أنواع… يعني هناك اجترار سياسي واجترار فكري واجترار ثقافي والتي في كثير من الأحيان لا تقل تلويعا للجبد من الاجترار الغذائي!
تلفزيون الكويت ومنذ سنوات طويلة مارس عملية الاجترار الإعلامي بأشكال مختلفة، بدأتها سهام مبارك ببرنامجها الذي كانت تقدم فيه الأغاني الكويتية والخليجية الأسود وأبيض واللي الناس (أو بالأخص الشياب) حبوه واستانسوا عليه في فترة التسعينات لأنه كان مميزا في فكرته وطريقة طرحه في تلك الفترة، لكن في الآونة الأخيرة يبدو أن أحدا ما لاحظ السهولة الإنتاجية لهذا النوع من البرامج لتنهمل علينا البرامج المستنسِخة له!!
بصراحة لا أستطيع حتى أن أحصى عدد برامج “الاجترار” التي قدمها (أو يقدمها) تلفزيون الكويت لأنه بسبب تشابهها لا أستطيع حتى أن أتذكر أسماءها! يعني في برنامج يقدمه سعد الخلف يحط فيه أغاني ومسلسلات ومسرحيات قديمة، قبل شوي كنت قاعد أطالع برنامج اسمه “زماني” تقدمه مذيعة جديدة ما أعرف اسمها حاطين فيه برامج وثائقية من أيام الحرب الباردة، خلال الدورات القليلة الماضية كان هناك على الأقل برنامجين لهم نفس الفكرة بالضبط وأيضا يقدمونهم مذيعات جدد ما أعرفهم، أضف لذلك برنامج منى طالب اللي تجابل فيه الكاميرا وتسولف لنا عن أيام “الزمن الجميل”.. وبرنامج بدر بورسلي اللي يقابل فيه الشياب والعيايز ويسألهم عن “أيام أول”… وما راح أتكلم عن البرامج العلمية والوثائقية الأثرية اللي يحطونها قبل الفجر!!
أضف إلى ذلك البرنامج الخاص الفذ الذي قدمه تلفزيون الكويت قبل چم أسبوع بمناسبة مرور 46 عاما على تأسيسه واللي يتكلم عن مراحل “تطور” تلفزيون الكويت خلال -شبه- نصف القرن الماضي، ليش ما نطروا لما يكملون نصف قرن كامل؟ الله أعلم!! يمكن الوزير خاف إنه ينشال قبل لا يكمل الأربع سنين اللي بقت 🙄
أوكي… زماننا كان جميلا وقدمنا خلاله أشياء حلوة وتستاهل التوثيق والاستذكار، لكن لي متى بنقعد نسترجع هالتاريخ ونعيد مضغه مرة وثنتين وثلاث؟
بعرف شي واحد، معدي هالبرامج ما سمعوا بشي اسمه يو تيوب؟
ما أبالغ إذا قلت بأن ما يقارب 50% من الفقرات اللي قدمها سعد الخلف في برنامجه موجودة على اليوتيوب ومقدمينها NiceQ8i و K0003 و hummer15al قبلهم، الأمر اللي يخليني أشك إن المعد شاف الفقرات في اليوتيوب وبعدين راح يدورها في مكتبة التلفزيون!
اذا كانت البقرة تلجأ للاجترار توفيرا للغذاء أو حفاظا على جهازها الهضمي، فما هو عذر تلفزيون الكويت؟ ما عندهم فلوس يسوون برامج جديدة؟ أم أن مكتبتهم ما فيها مكان للمزيد منها؟
أحيانا أحس أن تلفزيون الكويت يبيله بلوق خاص فيه من كثر الضيم والبلاوي اللي فيه!
========
تحديث: بدأت كتابة هالموضوع بعد ما شفت برنامج “زماني” مباشرة، بعد ذلك بدأت الأخبار… والآن رجعت لتلفزيون الكويت ولا حاطين برنامج لسعد الخلف اسمه “غشمرة”… أيضا من النوع المجتر!! يعني برنامجي اجترار خلال أقل من ساعتين!!!
تحديث 2: بعد “غشمرة”… التلفزيون يعرض الآن برنامجا “وثائقيا” يحمل اسم “طريق الحرير” ! ضع في بالك أن اليوم هو الجمعة… بداية نهاية الأسبوع!
تلفزيون الكويت يبيله نسف
وصلت إلى مرحلة الغضب و الإحباط الشديد مما يقدمه تلفزيون الكويت
كل المحطات تتقدم اعلاميا الى الامام
الى ان تلفزيون ديرتنا
قاعد يمشي لورا … بالاحرى يركض !!
الاجترار يأخذ اكثر من شكل و لون
و هذا اللي فالحين فيه
انا بفهم شي
لما يحطون البرامج العلمية المغبرة
ما يفكرون ان المادة العلمية اللي فيها عفى عليها الدهر؟
Expired?
هذا تلفزيون الضيم
اشوة اني ماشتغلت فيه
بالضبط..
المفروض يسكرونه.. أو يحولونه للقطاع الخاص
ما أدري بالضبط شلون تلفزيون دبي -مثلا- يشتغل ، لكن المفروض يصير نفسه و أحسن منه ، يعني يبقى التلفزيون تابع للحكومة.. لكن اللي تديره مؤسسة و ليست وزارة ، بهالحالة قد تخف الضغوط السياسية اللي قاعدة تساهم بعرقلة مسيرته على الأقل
هدئ أعصابك وألغ القناة من الرسيفر
صدقني هذا اهو الحل الوحيد لاجتناب “الانقهار” على “الاجترار” 😉
المشكله ما أقدر.. ما عندنا غير كم قناة عربية.. و الاطفال لازم يتعرفون على تراث بلدهم
🙂
يعني لازم يسمعون الكلام الكويتي و الأغاني الكويتية و يشاهدون الملابس الكويتية و يعرفون بابا صباح و يتعلمون “وطني الكويت سلمت للمجد” .. و هالشي بالكاد قاعدين يحصلونه من قناة وطنهم الفضائية ، شلون اذا شلناها؟
على فكرة.. بناتي تعلموا “وطني الكويت سلمت للمجد” من يو تيوب مو من تلفزيون الكويت
http://www.youtube.com/watch?v=kC3GMi0iwm0
😀
تصدق اخوي مؤيد انا قبل امس كنت
اسولف مع خواتي على برامج الي تعرضها الكويت
مع العلم اني ما اشوووف برامج الكويت
لكن من كلامهم حسيت بالضيييم الحالي
انا امتنعت على مشاهده التلفزيون عقب النزول
الحااااااااااااااد في البرامج وقمت احس اني اشوف تلفزيون اليمن او السودان مع احترامي لهم اكيد بس مو تلفزيون الكويت !!!
ففعلا تلفزيون الكويت تلفزيون داااثر
وفوق هذا مافي وزير يستمر بالوزاره
يقعد يوم يومين شهر شهرين استجواب ويقدم استقالته
والحل ….؟؟؟؟؟؟
حط على قناه الوطن او الراي
ترى وايد ابرك !!!!!!!!!!!
ما عندنا الوطن ولا الراي 😕
بس برمضان تابعنا بوقتاده و بونبيل باليو تيوب و غيره ما شفنا شي
و سالفة الوزير اللي ما يقعد شهرين ممكن يقل تأثيرها اذا صار التلفزيون تابع لمؤسسة بدل الوزارة
في هذا الصدد أحيي تلفزيون الوطن على الإخراج الأكثر من رائع و على البرامج الحلوة 🙂
لا عزاء لتلفزيون الكويت !!
بت على تلفزيون الكويت؟ الشعب كله مجتر. نفس الافكار نفس الجدل نفس المشاكل نفس كل شي.
I am doing a literature review about something in Kuwait and I found like 8 articles. all of them repeat the techniques, end up with the same results. the idea of repeating a study is to generalise its findings. Kuwait tooo small in which 2 or 3 studies of the same target are enough
عارف؟ يتعلمون تكنيك معين ويستخسرون يتعلون شي ثاني، وتبتدي مرحلة الاجترار العلمي.
إهداء لكم 🙂
http://www.catism.org/2008/01/01/illa_abi_wa_oummi/
آمل أن يصل بثها لكم.
kuw_son..
و انا أحييك 😉
Zinc..
عدل كلامك..
الاجترار في كل مكان و في كل شيء ، و هذا مؤشر على نقص بالابداع و على الكسل الفكري
يعني مثل ما قلت.. أكاديميا نفس الأبحاث قاعده تنطرح و تخرج بنفس النتايج
سياسيا.. نفس القضايا قاعده تنطرح من عشرات السنين ، يعني من اكثر من اربعين سنه و لما الحين اشعندنا غير البدون و الواسطة و الاختلاط بالجامعة!؟
بل و حتى دينيا للأسف.. نلف و ندور على نفس القضايا و نسأل نفس الأسئلة و نسمع نفس الأجوبة
Catism..
مشكورة يا كاتسم 🙂
Salam Alaikom
Kuwait TV is dead , all whats left is some people roping money form the ministry and say its shows and good programs.
Listen to Salam FM the latest Star in Kuwait’s Airwaves 98.4FM .. Islamic Anasheed and Holy Qura’an.
Regards,
Khaled
PS> MOAYAAAAAAAAAADD AAD ADD ADD (echo)
قاعد اسمعها من النت من فترة
😉
ذبحنا الوندوز ميديا.. حولوها شاوتكاست
😛
تلفزيون الكويت من بدا مسلسلات الهم و الغم و المناحة صار اي شي…..التلفزيون ارشيف كبير مقارنة مع باقي القنوات اللي تبث من حواليه و صح لو ما كان التلفزيون الرسمي للحكومة كنت اتوقع انه بيكون احسن من جذيه…الديره كلها ماشيه على الله اهيه واقفه عالتلفزيون بس؟
لما كتا بالكويت خلال الفترة اللي فاتت شفت تلفزيون الراي و الوطن ، و لاحظت ان كل المواهب الكويتية و حتى العربية راحت لها ، يمكن هالشي يفسر ضعف المستوى الليس وصله التلفزيون ، يعنى ما بقى فيه غير مصطفى أحمد و دعاء عبدالرحيم.. و باقي قائمة الشياب الله يعطيهم الصحة و العافية 😀