أبسط جواب يأتيك عند سؤالك عن ما هو الزومبي هو أنهم “الأموات الأحياء”، ولكن هل تعلم ما هو تاريخ الزومبي الحديث وما هي الثقافة المتفرعة عنهم؟ وما هي علاقتهم بنا نحن “الأحياء الأحياء”؟
تحذير: هذا الموضوع قد لا يناسب أصحاب القلوب الضعيفة!
أرشيف الوسم: وناسه
صار صخر
موضوع اليوم هو لمن هم فوق 25 سنة ، يعني لأطفال الثمانينات.. و بعض شبابها 😉
علشان تعرف اذا كان هالموضوع يهمك.. اوصف شعورك لما تشوف هالشاشة :
اذا ويهك/ويهج صار جذي 🙂 .. عيل راح تستانس وايد من الشاشات القادمة.. مثل هاذي :
😀
عصابة الصخر ايام قبل كانت مكونة مني انا و مهند ولد خالتي و عبدالعزيز ولد عمتي ، هاللعبة كانت من أوائل ألعاب الـ Action Adventure اللي طلعت ، يعني على خلاف ألعاب التذبح و التفجير المتعارف عليها في تلك الفترة كانت هاللعبة تعتمد على البحث و التخطيط و الاستراتيجية.. بالإضافة إلى التذبح المدروس طبعا 🙂
كان كل واحد من عصابتنا يلعب اللعبة في بيتهم.. و لما يكتشف شي جديد تشتغل الاتصالات….. “لقيت البازوكا!” .. “لقيت الأسير!”.. “فجرت الليزر!!” .. أهم شي انك لما تخلص اللعبة من غير لا تستوفي كل شروطها يقولك try again 😕
اما هاللعبة :
كنا نسوي عليها بطولات في بيت خالتي ، و اذا سألتني.. فأنا أعتبرها من أحلى ألعاب كرة القدم اللي لعبتها في حياتي.. لا تقولي فيفا و لا دوري ياباني 😎
في لعبة كانت تبط جبدي :
أي واحد من ربع البليستيشن يعرف Metal Gear… هذا اهو اول جزء من هاللعبة اللي السنه اليايه راح ينزل الجزء الرابع منها على البليستيشن 3 !
اللي يبط الجبد مو اللعبة نفسها.. بالعكس.. اللعبة عجيبة بكل المقاييس (و إن كانت صعبة لدرجة إن محد خلصها) ، اللي يبط الجبد اهو انها تشتغل بس على أجهزة MSX2.. و كان الوحيد اللي عنده ام اس اكس تو اهو عبدالعزيز ولد عمتي.. و كان يحرنا بهالشغله 👿
أختم بهاللعبة :
أيضا من الألعاب اللي تبط الجبد لأنها ما تخلص!
اللعبة عجيبة و طويلة.. و موسيقتها لا تنسى 😀
—————————
اذا الحين قاعد تقول بنفسك “شخباري!” و “يا حلات ذيج الأيام!” و “جان زين كمبيوتري القديم لما الحين يشتغل” .. فعندي شي راح يونسك 🙂
NLMSX
هذا برنامج محاكاة للصخر ، يعني يخليك تشغل ألعاب الصخر على الوندوز 🙂
(ملاحظة: ترى ما جربت هالبرنامج من قبل)
openMSX
هذا لك اذا كنت من ربع الماك 😉
و اذا عندك سوني PSP ترى هم لها محاكي علشان تلعب ألعاب الصخر عليها ، اذا في طلب عليه راح احطه.
————————-
أما الألعاب فموجودة علي وايد مواقع ، سو بحث في جوجل على “msx roms” و راح تطلعلك عشرات المواقع ، اذا تبي موقع مجرب و فيه صور للالعاب مع لنكاتها فجرب هالموقع:
كل البرامج و الالعاب اللي حطيتهم مجانية ، يعني ماكو شي يمنعك انك تجرب.
الحين استانسو! 🙂